Ou das het's ggä

Karl Walther Dähler: Ou das het's ggä,
Emmentaler Druck, Langnau, 1986,
erhältlich im Licorne-Verlag

Das Buech isch en Art es Vermächtnis. Dr Landpfarrer, Karl Walther Dähler, isch am 22. Juli 1986 im 83. Läbesjahr gstorbe. Zäh Tag vorhär het er die letschti Gschicht für das Buech fertig gschribe gha. E Tag vor sym Tod het er sogar no ds Gfeel gha, die erschte Zeichnige vo sym Sohn Jörg Ewald z gschoue. Er het sech unerchannt dranne gfröit. Sys Wärch isch volländet gsy und het ruehig chönne vo dere Wält ga.

Die Gschichte het dr Karl Walter Dähler scho lang i sym Chopf und Härz umetröölet gha; i ds Reine gschribe het er se aber ersch i syne drüü letschte Läbesjahr. Näb eigete Erläbnis mit Lüt i syne Gmeinde hei o zwo Gschichte us syr Chindheit Platz i däm Buech gfunde. «M i söll o bym Läse vo däm zwöite Band öppen einisch chönne Schmunzle!» Us em Nachwort, gschribe vom Michael Dähler, sym Sohn, u ehemalige Thuner Pfarrer, wo leider o scho nüm unger üs isch.


BE: Eggiwil und Umgäbig, Armenanstaut Bärau