Bäbätsch

Am letschte Samschti het aues nach perfektem Wintermärli usgsgeh, u jetz isch es scho wieder verbi. Ufem Wäg vo Loupe nach Thörishus ei Bäbätsch. Pfludischnee u mängisch o no e chli renitänts Iis, wo eim, wem e nid ufpasst, es Bei steut. Immerhin hei die versprochene Ufhäuige stattgfunge, so dass i einisch meh cha säge, es isch trotz em schwirige Bode e bodeständig gmüetlechi Wanderig gsi. Und wöu jetz wieder die hektischi Vorwiehnachtszit isch, bini ufem Heiwäg z Bärn am Bahnhof no chlei go umefötele. Entstanden isch unger angerem es Biud, wo ds Künschtleche u ds Stressige vom Advänt ufene idrücklechi Art symbolisiert.

Uferwäg der Sense no, zwüsche Loupe und Nöienegg (BE)

Bim Natershus oberhaub Nöienegg

Bäbätsch wo me häreluegt. Bittershus zwüsche Nöienegg und Thörishus (BE)

Bahnhofplatz Bärn